مجموعة من كلمات الاغاني السودانيــــة

في الطيف..


في الطيف أو في الصحيان زورني
يا حبيبي أنا عيان
مالو لـو فـي بعـض الاحيـان
تسمح لـي صحـوا أراك عيـان
تاخذ يا حبيبي عـن حالـي بيـان
عسى تبقي قلوبنا في الغرام سيـان
يا الفريد في حسنك و بهجة أمدرمان
لي من شوفتك يا حبيبـي زمـان
أنا ساهر و نـوم عينـي حرمـان
و إنت بين أترابك في نعيم و أمـان
النحول علي جسمي يا حبيبي بيان
و إنت جسمك نامي و بالنعيم طربان
لو رأك الناسك المـن الله جبـان
بيك يفتن و يصبح بالغـرام تعبـان
قبل حسنك قط ما رأيـت انسـان
فاق العسجد لمعة و الحريـر لمسـان
كيف يحصر وصفك يا حبيبي لسان
و البان إتعلم من قامتـك الميسـان
ما الـدرر لثنـاك ما بنـت ألحـان
للمـاك و آيـة نفحـة الريـحـان
إنت حسنك كامل لكـن لمحـان
خدك قاسـي و قلبـك ما حـان
_..._..._..._..._..._

ليل وخمر وشفاه ...


أغنيات فى شفاه الحب غنّاها الجمال
والمنى يا روح قلبى ليس يفنيه الدلال
أغرقتنى بين أمواج المنى
والمنى شطّ على بحر الغرام
وسقتنى خمر أعناب الهنا
والهنا كأس وهمس وإنسجام
علمتنى كيف أنسى من أنا
وأنا لفظ حرام فى الهيام
يا سقاة الكأس من عهد الرشيد
ما لكاسى ظمئاً أبدا وحيد
ونديمى
قد سرى نجما مع الأفق البعيد
حطم الكأس وولى
وانطفأ نجم تلألأ
وغدت
تبكى على شفتيّ أصداء النشيد
ليل وخمر وشفاه
هنّ للقلب لظاه
هنّ إكسير الحياة
شعرها ليل تموّج
صدرها الوثّاب هودج
شفةٌ عطشى .. وأخرى هى كأسُ
خمرها نار وجمرة
ليتنى لو ذقتها فى العمر مرة
_..._..._..._..._..._..._

ليه بتسأل ...


ليه بتسأل عني تاني بعد ما شلت الاماني
روحت خليتني لزماني وانت عارف علي جاني
لو ببعدك الليالي تداوي غلبي ولاتاني ترجع الافراح في قلبي
كنت واهم يا حبيبي
دي الليالي امر ليا من دموعي الفي عنيا
كل لحظة تمر عليا تنقص الايام شوية
واطفي شمعاتي القليلة وافضل ابكي واقول حليلا
للدموع النازلا كل ليلة زايدة اشواقس وحناني
امنياتك من حياتك زاد حياتي كنت اجمل كنت اجمل امنياتي
انا عهدي راح ما اظنوا اتي وما فضل يا ناس غير اغنياتي
وفيها ضاءت ذكرياتي
مرة اضحك ومرة ابكي ومرة اتحمل اسيا
مرة اهرب منو واشكي واعتبر حبك حكاية
عشت فيها بكل روحي تشفي ليا زوهدي وجروحي
كنت داري كنت دوحي واختفيت يا نور زماني
_..._..._..._..._..._..._..._

عيون الصيد...


عيون الصيد ناعسات عيوني
عيون النيل حاكن عيوني
نسيت قلبي وروحي ونسوني
وفقدت الكانو يأنسوني
ليالي هناي جد عاكسوني
وأخاصم النوم كيف درسوني
مع الآلام هاجت شجوني
وأطبا الكون ما عالجوني
جفوا وبي نفورهم هيجوني
متين في الطيف يصبوا ويجوني
مقر أملي وفيهم ظنوني
يزيدوا دلال وتزيد جنوني
لذيذ تعذيبهم لو ضننوني
وصالهم آه.. راحتي ومنوني
_..._..._..._..._..._

العاطفة النبيلة ...


بإسم الحب بقدم ليك حياتى ومعاها العاطفة النبيلة
عليك ياحب تحياتى
عليك اوقفته غاياتى
لحبى اضحى بحياتى
احب الحب وايامو
وذكرياتو واحلامو
ومايوحيه الهامو
حياة الحب اسميها السعادة بكل معانيها
اقيف ليلاى اغنيها روح ياليل تعال ياليل
احب فى كل اوقاتى الاقى حبيبى يوماتى
اقيف ليهو يقول لى العهود بيناتنا مرعية
اقول ليهو تعال لى حبيب ريدى تعال لى
نجلس جلسة غزلية امتع فيك عينى
اشوفك وانسى آلامى اقول حققته احلامى
على تميل
عليك اميل عشان نميل سوا ياجميل
فيك امعنته نظراتى وجدتك كل مسراتى
وافراحى وملزاتى
احبك وانسى فيك زاتى
حبيبى غرامى تقديسك ويرتاح قلبى بى حديثك
حديثك شفى العليل
وحاتك يالصادق نبيل البيشبه حبى الاصيل
يكون جميل
وانا ياجميل اهوى الجميل يكون جميل
_..._..._..._..._..._..._..._

يـــا غايب عن العيــن ...


يا غايــب عــــن الــعيـن ...
أنـت مـوجـود في عـيـني الاتـنـين
هواك لازال بواليني ...
خيالك جوه في عيوني..
لكن انت ناسيني ....
وانا الاشواقي ليك زايدين..
يـا غايـب عـن الـعـين ...
أنت مـوجـود فـي عـيـنـي الاتـنـيـن
وليه يا روحي متخاصمين....
بعد ما كنا متحابين...
ياروحي الفراق لمتين...
فراق يومين عليّ سنتين....
يـا غايـب عـن الـعـين ...
أنت مـوجـود فـي عـيـنـي الاتـنـيـن
ياغايب عن عيني....
حصل ايه بينك وبيني....
تجافيني وتعاديني....
وتترك قلبي بين نارين..!!
يـا غايـب عـن الـعـين ...
أنت مـوجـود فـي عـيـنـي الاتـنـيـن
_..._..._..._..._..._..._..._

قطـــار الشوق ...
قطار الشوق متين ترحل تودينا
نشوف بلدا حنان اهلا ترسى هناك ترسينا
نسائم عطبرة الحلوة تهدينا و ترسينا
نقابل فيها ناس طيبين فراقم كان مبكينا
يا قطار الشوق متين توصل هناك حبيبنا راجينا
متين نحضن عويناتو متين يسرع يحيينا
يا قطار الشوق دا ليل الغربة فيهو ودار
متين تسرع متين بتكمل المشوار
عشان ما نلقى سيد الناس و نطفى البينا من النار
نشوفو عيونو نعسانة و لونو الزاهى كلو نضار
يا قطار الشوق حبيبنا هناك يحسب فى مسافاتك
و لو تعرف غلاوة الريد كنت نسيت محطاتك
وكان بدرت فى الميعاد و كان قللتة ساعاتك
و كان حنيت على مرة و كان حركت عجلاتك
_..._..._..._..._..._..._..._..._..._

في بعدك ياغالي ...
فى بعدك ياغالى ضنانى الالم
وعشت مع الليالى لاحب لا نغم
ومن لمسات حنانك خلاص تمينا دور
ايام مره خاليه من طعم السرور
كل ماغنى شادى دوبنى الشعور
واقول ياريت حبيبى لو فى الطيف يزور
لو كان التمنى بينفع كل حبيب
ماكان السعاده بقت قسمه ونصيب
ولا قلوبنا الحيارى مع الايام تشيب
ولا عاش قلبى تايه عن حبك قريب
لاتسأل مشاعرك ليه عينى بكن
يوم ودعنى حسنك ولا زمنى الشجن
وباكر ياحبيبى يعلمك الزمن
ليه دنيا المحبه للعشاق وطن
_..._..._..._..._..._..._

في الليلة ديك...


في الليلة ديك لا هان علي أرضى و أسامحك
ولا هان علي أعتب عليك
شلتَ الجراح و الابتسامة وكل حرمان اليتامى
جيت أهنيك و أصافحك…… جيت أقول مبروك عليك
و مديت يميني بلا كلام
ما قدرت قدامك أقيف
ورجعت حابس أدمُعي
*******
في الليلة ديك
و الناس تشارك فرحتِك
حسيت بأني غريب هناك
وغريبة أنتي في دنيتك
حسيت معاني الفرقة حسيت …… بالوجود ماخد سواد من حنتِك
شفت الدموع خلف الرموش
مكبوته بى حسرة وضياع
ورعشة الكف الخضيض
مقرونة بي نظرة وداع
جابُ القدر في سِكتِك
****
في الليلة ديك
جيت أهنيك وأصافحك
جيت أقول مبروك عليك
_..._..._..._..._..._..._..._

اجمل حبيب الروح ...


اجمل حبيب للروح ..اجمل حبيب للروح
قلبى اصطفاك وماقادر اعرف ايه اسباب جفاك
الزاهى لونك حبيت عيونك وعشقته طبعك وجمال فنونك
ورد الخميله ناضره وجميله بالفل عبيرها ومالى غيره
انا ليك وافى وانت المجافى ايه اسباب جفاك
يعيش ليالى فى خيالى ديمه ونعيش حياتنا هانيه ونعيمه
دائما اشوفك بين الازاهر تتهادى تايه وانا طرفى ساهر
فيك ياملاكى قبلان هلاكى ايه اسباب جفاك
وحيات عيونك الباسمه لى ونضار خدودك الكم نديه
وحيات شبابك مالى وصيه غير بس حنانك ورضاك على
سيب الجفا وارحم كفى ايه اسباب جفاك
اجمل حبيب للروح .... اجمل حبيب للروح قلبى اصطفاك
وماقادر اعرف ايه ايه اسباب جفاك
_..._..._..._..._..._..._..._..._

العيـــــون ...

البتوحي الناس العيون يا حلاتن هن أساس الريد والجنون
جننني ياخي العيون يا حلاتن هن أساس الريد والجنون
ااااااه العيون ألفيهن نعاس هن أساسا معنا الجناس
هن يسيرن في الناس حماس هن يسوقو الزول لي الجنون
يا حلاتن هن أساس الريد والجنون
البتوحي الناس العيون يا حلاتن هن أساس الريد والجنون
ااااااه العيون الجيت اوصفن يجرحنك ويتواصفن مرة نظرن لي
أوقفن شالو نومي ما انصفن يا حلاتن هن حيات الريد والجنون
البتوحي الناس العيون يا حلاتن هن اساس الريد والجنون
ااااه العيون السود كاحيلات في دلالن متسابيتات يجرحنك
ما سائلات يتركنك متهاملات يا حلاتن هن أساس الريد والجنون
البتوحي الناس العيون يا حلاتن هن أساس الريد والجنون
جننني ياخي العيون يا حلاتن هن اساس الريد والجنون
جننني..
_.._..._..._..._..._..._..._..._..._..._..._..._


اسمعنا مره...

ان درنا نشكي...وين نشكي ليكا...وين نلقا دنيا تجمعنا بيك...
ما كنتا بتيجنا يا حليل مجيك....ان ضاع عمرنا محسوب عليك
انتا البتنهي وانتا البتأمر ان درتا نشقا بنشقا وان قلتا نصبر
زي الفراشه في سمانا تهطل نادر وجودك في الدنيا يندر
احنا المشاعر جنات حبيبه دنيتنا راحه وعالمنا طيبه
دايريين عيوووونك تصبح قريبه....علشان كلو حلوه في الكون نجيبا
اسمعنا مره وحاتنا عندك اسمعنا مره
الدنيا تبقى ما فيها مره
والكون يلالي بهجه ومسره
حن في عمرنا شايفنو مره
ان قلتا لا لا هم استمرا..
_..._..._..._..._..._...

يـــا مسافر...

يا مسافر وناسي هواك
ارواحنا وقلوبنا معاك
اضناني البعاد والبين
يا روحي الفراق لي متين
قضيت عمري كلو حزين
عايش على زكراك
عديت انا نجوم الليل
في خدودي الدموع بتسيل
ويالفارقت ارض النيل
يرعاك الله يا ملاك
في عيونك سلاح مشهور
لمعان الخدود بالنور
ننساك اصلو ما معقول
نسلاك اصلو ما معقول
لو ضاعت حياتي فداك
طارين للهوى وعهدو
حافظين بالشهود وعدو
العاشق يدوم سعدو
لو دام يا حبيبي هواك
_..._..._..._..._

تعيش انت ...
تعيش انت ويدوم خيرك
تعيش ما الدنيا مصيرك
لو جارت عليك ايامك
تعال لي عيونا بتشيلك
ولما الليل يروق يحلى
تجي النسمه وتضم شتله
نساهر الليل نلاقيها
شايلا سواد عيون طفله
كلامك لما تتكلم
نتوه نسرح بعيد نحلم
وا تلقانا ما بنتقدر
نجيب الروح علشان نتلم
اي كلام تقولو حلو
منو البسمع كلام بدلو
تكون دي رساله للعاشقين
لي ناس لسا ما سألو
_..._..._..._..._...
عقد اللولي
جات بي سكتنا الحلوة
في الروض تمشي وتتمختر
بي رموشا اديتني تحيه
يا عقد اللولي اللولي
يا بت يا حلوة يا خولي
يا حلاة الشامة في خدك
والسن بتضوي اللولي
وين الحلوين وين راحو
لي ليلنا يضوو صباحو
بي بسمة يذيدو عمرنا
وكان العزال ارتاحو
امتع بيها عيوني
اضوق من فاها السكر
لكن الحظ العاسر
خلاها تروح ما تظهر
غشت الجيران لي ثواني
قليبي التاية ودر
في سري اقول يا الله
انشاء الله تغيب لي اكثر
_..._..._..._..._..._

أنا قلبي بدق...


أنا قلبي بدق

تظلمني لي يا جميل ما ليك حق

والله ماليك حق والله ماليك حق

حن يا جميل كلم أحبابك

أنا من زمان واقف على بابك

قول لينا كلمة وأدينا نظرة

أهلك يا حبيبي أسباب غيابك

هل هم أهلك أسباب غيابك

ولا التقاليد حجبت شبابك

أهلي وأصحابي يا نور عينيا

راحو لي أهلك خطبوك ليا

أهلك يا حبيبي صعبين شوية

قالو ليهم لالا مهرك شوية

انتي زنبك ايه وأنا زنبي ايه

وجنو عليك وجنو عليا

ودا الحب لوعرفو أجمل هدية

ومهما قالو ومهما عادو

أنا أصلي ليك وانت أصلك لي

أنا قلبي بدق أنا أنا قلبي
_..._..._..._..._..._


ياحبيبي انا فرحان...

ياحبيبي انا فرحان
ووفرحان بيك ياريت يدوم هنانا
ياحبيبي الحب سقانا كاسات الهنا
في ملتقانا نسانا الهموم
خلانا نشوانين نتمايل برانا

حبيبي بي انت داريي
يوم الفراق اتحتم واداري
لو مابسمتك ... زالت رسمتك
ماكان انا وقلبي اتعالج اسانا

ياحبيبي بي انت داري
يوم الفراق اتحتم واداري
لو ماعاشق وفي وبي هواك محتفي
اوفيك واوفيني ونحرس وفانا

ياحبيبي انا فرحان
وفرحان بيك ياريت يدوم هنانا

سنتـــــر الخرطــــــــوم ....


سنتر الخرطوم .. السهر بالكوم
اشتهينا النوم ياعوض دكام
حلوة دنيتنا وكل حاجه تمام
كلام في كلام ياعوض دكام

نحن ماناسيين ..للعهود فاكرين
للوصال طارين ياعوض دكام
حديثك الراقي وجيهك البسام
كلام في كلام ياعوض دكام

جينا نحكي ليك .. نبكي نشكي ليك
العلم بي الشيك ياعوض دكام
جامعه بالدولار والفهم اقسام
كلام في كلام ياعوض دكام

يورب ونايل سات كترو القنوات
الكلام بي الشات ياعوض دكام
كلو دي في دي وخلو بالكم كام
كلام في كلام ياعوض دكام

شوفو الخريجات نصهم بايرات
شوفو الخريجين نصهم عاطلين
شغله مالاقين ياعوض دكام
فتحو روتانا وكملو الافلام
كلام في كلام ياعوض دكام

الرصيد خلصان والشباب فلسان
على العلينا كمان
يجونا مغتربين يهدمو الاحلام
كلام في كلام ياعوض دكام

شوف لعيبتنا
دي الشينه كورتنا
الخمسه ماركتنا ياعوض دكام
شوفو ناس كاكا وشوفو ناس بيكهام
كلام في كلام ياعوض دكام

شوف درامتنا
دي الشينه شاشتنا
السينما غلبتنا ياعوض دكام
شوفو ناس كايرو شوفو ناس الشام
كلام في كلام ياعوض دكام

ومافي ضحاكات اشتقنا للكاشات
ياعوض دكام
هدمو الدنيا وبنوها في ايام
كلام في كلام ياعوض دكام

القـــربو يحنن ...


القربو يحنن .. البعدو يجنن
الهين لين .. وديعو حنين
شغل بالـــي ..

الماشي ازورو .. القلبي بدورو
اااه من نارو .. اااه من نورو
شغل بالي ..

جميل ويتنى .. حسنو فتنى
لاحظو قتلنا قتلنا
شغل بالي ..

هواهو هواي .. وشوفتو منايا
جميل بس ايــه حكايتو حكاية
شغل بالي ..

القربو يحنن .. البعدو يجنن
الهين ولين .. وديعو حنين
شغل بالي ..
_..._..._..._..._..._


عيش معاي الحب ...


عيش معاي الحب
عيش معاي حناني
خليني انسى سنين
عشتهم وحداني

ايه يضيرك تسال
يوم علي ياغالي
انت وحدك عارف
همي عارف حالي

كيف اواصل صبري
في الطريق الخالي
كيف بدونك تصبح
الليالي ليالي

انا كنت دايما بصبر
مهما البعاد اضناني
في قلبي انت بتكبر
تكبر معاك معاني

والهجر مهما يألم
يرجع حنانك تاني

************

دعــــــوة المظلوم ...
وانت انت معاي بتحلف انو شكل الدنيا تاني
فجأة جات القسوة منك زودت قسوة زماني
اوعى ماتقول لي زمنا كل ظالم وكل جان
الزمن مظلوم معانا في الدقايق وفي الثواني
وانت ياريت ياوحيدي وانت ياريت ياوحيدي
تطغى يوم دمعة حبيبك وانت ظلمك مابفيدك
كنت مابتحمل تفارق لوتكون الفرقة لمحة
كنا حلوين ياحبيبي كانت الايام سمحة
السماحة في عيونك كنت بيها بنوم وبصحى
وأي فرحة بدونك انت عمري ماحسيتا فرحة
غايتو صابر لليالي لو تحن في يوم تعيدك
وانت ظلمك مابفيدك


***************************


ربيـــع الدنيا ...
يــا ربـيـع الدنـيـا فــي عيـنـيا
يانور قلبي يـا معنـى الجمـال
ويا أخت روحي ويا أماني هواي
عشت فــي دنـيـا الخـيـاااااااال

أنــا فـيــك عـشـقـت الـروعــة
مــا أحـلاهـا في الـدل والـــدلال
والمـعـانـي الـراسـمـة نــــور
فــــــي عـيــنــيــك ظـــــــلال
وابتسامتـك لمـا تأسر قلـبـي
تــحــكــي عــــــن الـــمحــال
تحـكـي عــن شـوقــك إلـــيا
وتحـكـي عــن بعد الـوصـال

مـن قلبـي مـن أجـل المحبـة
انا وهـبـت لـيــك شـعــر الـغــزل
مـــع إنـــو قـدامــي الـطـريـق
أنا عارفـو يـا السمحـة انقفـل
مافي قسمة ومـا فـي يانـور قلـبـي
حـتـى بـــصـــيــــص أمـــــــــــل
مـا قـدرت أقــرب مــن ضــراك
ومـا قـدرت لـي فـراقـك أصــل

يـا حبيـبـة لـيه قلـبـك قـسـا
وكتمـتـي مــا تخفيـهـو عـنـي
أنـا عشـت فـي حـبـك مقـيـم
ومـا عـرفـت نـكـران أو تجـنـي
مـا عـرفـت غـيـر حـبـك غــرام
وسرحت فيهـو سنـيـن أغـنـي
وهـبـتـو دمعاتي الـغـوالــي
وهبتـو روحي ووهبتـو فـنـي

صــــدفة ...


صدفة واجمل صدفة لي يوم لاقيتك
اسعد يوم يوم الحييتك نور عينيا ياما حبيتا

النظرات بريئه ممزوجة بخجل
البسمات تضوي زي نور الامل
وجهك بين مسايرك زي بدر اكتمل
والشامة في خديدك زي طعم القبل
تسكر قلبي وتشعل حبي يشهد ربي انا بهواك

ماقادر اقول ليك عن حبي الكبير
وصفو عليا قاسي وعايش في الضمير
قدر الكون ده كلو حبي واكبر بي كتير
مالكني محيرني شوف قلبي الاسير
اسالي قلبك يمكن يقدر يشرح حبي انا محتااار

صدفة عيوني شافت ليلي الباكي نور
يا ايام ربيعي عمري معاكي ازهر
فيها الطير يغني ومن الحاني يسكر
قلبي فراشة حولك وانت شبابك اخضر
ياما بحبك وبعبد حبك عشان حبك روحي فداك

****************************


شفت المــــــلاك ....

انا شفت الملاك ..
بأيدي سالمتو ..
بهرني بنورو ..
خلاني مأسورو ..
إن ضعت في بحورو ..
أنا عقلي فارقتو ..

لو طلاك صباحو ..
او ضماك جناحو ..
حقيقة القلب بشفى ..
وتاني تطيب جراحو ..
كمان لو شفته لونو ..
سحرو الفي عيونو ..
تدور ترحل في كونو ..
من حسنو ولطافتو ..

الراقي في وسامتو ..
مرسومه ابتسامتو ..
تفوق البدر صورتو ..
أية الحسن هامتو ..
دلال من غير تعالي ..
رقه وزوق مثالي ..
زي الدر بلالي ..
في أصلو وداعتو..

من يوم ما ليقيتو ..
كل الفات نسيتو ..
في قلبي اصطفيتو ..
دون الناس هويتو ..
صار لحياتي معنى ..
في أحلامي جنه ..
بس الحظ تجنى ..
شال قلبي وسعادتو ..
انا شفت الملاااااك ..



******************




الابيض ضميرك ..

وعشت متهيء لي حبك
كل ايامي وحنانه
ابتساماتك عزيزة بحرق
الاهات عشانا وكنت شايلك
في عيوني باني ليك ارفع مكانة
بس لقيتك وانت جاير
تظلم الحب بالمهانه

الدموع السايلة منك ياما سالت حرقتني
والظنون الحارقة قلبك
كم شقتني اااه وارهقتني
انا كنت بجني شقاي محنه
وانسى الامي الطوتني

وياما عينيك بافتتانها للماسي كم سقتني
وانت يا الابيض ضميرك
صافي زي قلب الرضيع
في كلامك .. في ابتسامك
احلى من زهر الربيع


**********************


اشتقــــت ليــــك ..

شايل الدموع ياحبي لامن اعود واجيك
انا ااه اشتقت ليك

عشت الظروف القاسية ماكان بي ايدي ولا بي ايديك
انا ااه اشتقت ليك

بعدتني عنك غربتي وخلتني ديمه اهاتي بيك
انا ااه اشتقت ليك

انشاء الله انت تكون سعيد وانا خلي حالي بجي احكي ليك
انا ااه اشتقت ليك

اشتقت ليك يانور صباحي ومشتهيك
انا ااه اشتقت ليك

اشتقت لي البسمة البتفرح كل زول عاجباني فيك
انا ااه اشتقت ليك

اشتقت ليك انا ااه اشتقت ليك



**************************


بعيـــد عنــــك ..
شايل الافراح انا جاييكي والقلب دوام مشتاق ليكي
سافرت بعيد قاصد فرحك ماكان القصد ابكيكي
قضيت العمر بعيد عنك فاكر من بدري نسيتيني
في صدفة جميلة اتلاقينا من اول نظرة عرفتيني
من طيبة قلبك واخلاصو بي دمعة شوق قابلتيني
مع اني زمان ياما جرحتك بي كل حنان سامحتيني
لا فايتك تاني ولامسافر يا احلى عيون فايضة مشاعر
يكفيني اعيش في اوطانك مليانة محنة وحب طاهر
والماضي الفات مابطراهو ابنيها معاك احلم باكر
ولا امل غاب من دنيانا يرجع من تاني يكون زاهر


******** *********

سيــــد المعــــزة ...


ذكراك ليها لذة .. ياسيد المعزة

مشتاق لي عيونك .. مابرتاح بدونك
الا سلاح جفونك .. هز قليبي هز

لي دربك قنعت ..ومنك ما قنعت
لي صوتك سمعت ..وهز شعوري هز

الحطم شقاي.. بريد الزول براي
لو عرفو الحكاية .. قالو علي اهز

ذكراك ليها لذة .. ياسيد المعزة
_..._..._..._..._..._..._

لـــــــون ...


يطلع منك في ريدك تاني
فرح اطفال زهور واغاني

بحلم بيك وانتي معاي
شايلة في ريدك زهر صباي

وانظم فيك احلى اغاني
نرجع تاني ريد واماني

لانك فينا اللون التاني
بذوب فيك اااه بس كفاني

فيك الروح وقليب مجروح

لما الشمس تطل من تاني
تفضلي فينا اللون التاني


********* ***********


شــــاغل بــالــي ...


انا لي حبيب شاغل بالي .. دايما محطم امالي
انا لي حبيب محروم منو .. لي زمن بسال عنو

كالبانه يتمايل عودو .. كالورود ناعمة خدودو
صد ما اوفى عهودو .. صد قاصد يتمانع

حبيبي ليه ناكر مالو .. محير افكاري دلالو
ماحنى هو يوم على حالي .. والعيون ساهرة ليالي
_..._..._...._..._..._..._..._

قلبي لاتحــــزن ...


ياقلبي ماتحزن انسى النساك احسن
ماقلنا ليك زمان الريد ماعندو وطن

قليبي ياتايه عيش ودع ليالي الهم
اصلو السعاده قسم مالك ومال الغم

كيف تباري الطريق عارف نهايتو ندم
وين الحبيب القال وين العشقتو نغم

قليبي ده مرات مرات يحن يرحم
مرات يسوقو الشوق لي طريق نهايتو الم

اسمعنـــا مــــرة ..

ان درنا نشكي وين نشكي ليك
وين نلقى دنيا دنيا تجمعنا بيك
ماكنت بتجينا ياحليل مجيك
ان ضاع عمرنا محسوب عليك

انت البتنهي وانت البتامر
ان قلت نشقى وان درت نصبر
زي الفراشة في سمانا تهطل
نادر وجودك في الدنيا يندر

نحن المشاعر جنات حبيبة
دنيا الصراحة وعالم نطيبا
دايرين عيونك تصبح قريبة
عشان كل حلوة في الكون نجيبا

اسمعنا مرة وحاتنا عندك تسمعنا مرة
الدنيا تبقى مافيها مرة
والكون لالى بهجة ومسرة
يكفي عمرنا شايفينو مرة
ان قلت لا لا هم واستمر

**************** **********


المنديـــل ...

رسل لي .. خليت قلبي يحن ويميل
حرير ابيض مشغول بي قطيفه
صورة قلبي وسهم نحيل
انت جميل والجابك لي ملاك وجميل

(( يـــا منديل ))

هديه من ايدك مقبولة
معناها اني على بالك
ونعيد الايام الاولى
اتأمل حسنك وجمالك
انت جميل والجابك لي ملاك وجميل

(( يـــا منديل ))

لما اسافر يوادع ويشاور بالمنديل
لما اعاتبو يداري دموعو بالمنديل
لما اغازلو يداري الفرحة بالمنديل
انت جميل والجابك لي ملاك وجميل

(( يـــا منديل ))





*********** *************


لو فــــؤادك ...

لو فؤادك خبى حبك من عيونك بحتي بيه
لو دفنتي الشوق في قلبك بسمتك دلت عليه

انتي حبك لي ظاهر مهما انتي تداري فيه
شايفو مكتوب في جبينك وكل حواسك شاهده بيه

الا ايه مانع لسانك قولت احبك فيها ايه
اصلو قايله الحب حرام مالو جاهرتي بيه

مادام هواك شريف وطاهر وفي العفاف مثالو نادر
في الفؤاد انبل مشاعر تخبي حبك ليا ليه

كلمة واحدة من عيونك راجي ليها بس سنين
هي املي البين ضلوعي وهي زاد قلبي الحنين

بوحي بيها ياحياتي امنياتي ليك تبين
بكرة تبقي لي شريكة وابقى ليك وافي وامين

جوة قلبي اكون مكانك وافني عمري اسير غرامك
كل غالي يهون عشانك كل يوم يزداد حنين

امــــــــي .....


امي يادار السلام
ياحصني لو جار الزمان
ختيتي في قلبي اليقين
يامطمناني بطمنك

امي الله يسلمك

انا مهما افصح عن مشاعري
برضو بخوني الكلام
وقولت بحبك مابتكفي
وكل كلمات الغرام
يامنتهى الريد مبتدى
يابنيه الله يسلمك

امي الله يسلمك

خيرك علي بالحيل كتير
يامرضعاني الطيبة
بالصبر الجميل
ياسعد ايامي وهناي
لو درتي قلبي بسلمك

امي الله يسلمك

*********** ***********


الدنيا ظلمتني ...


الدنيا ظلمتني
فرقتنا يا حبي
انا بكيت على حبي
الكاتمو في قلبي
يا ناس تعبتا خلاص
و احتار دليل قلبي
دي الدنيا قاسية يا ناس
فرقتني من حبي
دنيا دنيا دنيا

ما قادر انسى هواك
و ابكيك احلى غرام
حبيبي انت الريدة
مهما طالت الايام
حكم الدنيا علي قاسي
و فراقك انت حرام
دنيا دنيا دنيا

حبيبي ليه تقسى
خليك في مكاني
حرام عليك تنسى
لو كنت تنساني
بكلام عزولنا رضيت
بعدت في ثواني
دنيا دنيا دنيا

******** ***********

اديني رضـــــاك ....

اديني رضاك قدامي سفر
سفر مكتوب ما بتأخر

انا كان غلطت عليك في كلام
ماتشيل في خاطرك مني حرام
انا غير بسماتك مابقدر

الشكل الناير كلو حلى
يفيض بنسايمو يتعلى

فارقك انا وخايف والله
امكن نتلاقى وامكن لا

قصــــة ريد ....


وبدينا معاهو قصة ريد طريفة خلاص
لانها من طرف واحد تحب التاني بالاخلاص

تلاقينا وتعارفنا فارق دربي لفى وفات
لانو طريقنا ماواحد وظروفنا مختلفات
وفات حسيت بي قلبي معاهو في الدقات
مع الخطوات

ويوم والتاني هو في ذهني
وداير احكي لي شوقي المانع ما يبارحني
تمر دقايق الساعة واقف ليهو مستني

بدينا معاهو قصة ريد طريفة خلاص
لانها من طرف واحد تحب التاني بالاخلاص

اعمل شنو ..


اعمل شنو في عينيك لا بغازلو لا بجاملو
اعمل شنو في ريدك اكتر من العاملو

سهر العيون هين بصبر عليهو سنين
والدمعه لو سالت بتوري شوق العين
وانا في هواك حكون ايوب جديد لمتين


ماقلنا من اول لمن بنريد بنريد
وانا من زمان وجع المحبة شديد
بس إنتي ريدك كمان رغم الوجع بزيــد
وأنا كيف أشوف عينيك لو من بعيد ليك

الليل عشان عشان عينيك سهر قناديلو
بكى من حنين سنين بلل مناديلو
فاقدين حنانك يا املي البناديلو
وأنا والقمر ساهرين يحكي لــي وأشكيـلو

وداعــــا روضتــــــي ....

وداعا روضتي الغناء
وداعا معبدي القدسي
طويت الماضي في قلبي
وعشتو على صدى الذكرى
وهذا الدمع قد ينبأ بظلم
المهجت الحيرة

لمــــــــاذا الهجر يا حبــي

لماذا دهرنا ظنا وشبع روحي باليأس


وداعا روضتي الغنــــاء ...


نسيت الماضي يا ليلة ماضي الحب والطغري
ليالي مطري الليلة بحلو النجوة والشعر
ليـــــــالي حبنـــــتا الأولــــــى

نسيتي ليلة إذ كنا نفدي النفس بي النفس


وداعا روضتي الغنــــــاء ...


حظل أردد الشكوى لما لقيت من وجدي
حبيب الروح لا أقوى على حمل الهوى وحدي
ولمـــــا لــــم أجـــد سلـــــوى

كسرت إبريقي وأتدنى وسكبت على السرى كأسي


وداعا روضتي الغناء وداعا معبدي القدسي ....

حلفتك يا قلبــــي ....


حلفتك ياقلبي
حلفتك بي ربي
خليهو الغرام
يتنكر لي حبك
وريهو الخصام
ليه تتهان ياغالي
ليه والذل حرام


تتعذب لوحدك
ليل والناس نيام
ان جاك يوم يصالحك
قول ليهو الكلام
اوعى يعود حنينك
وترد السلام
اوعى ياقلبي تنسى


حلفتك ياقلبي
الخانك تخونو
والفايت غرامك
اوعك يوم تصونو
زي ماابكى عيني
سهر لي عيونو


اوعى تقولي تاني
مابنعيش بدونو
ايه في الحب لقينا
غير همو وشجونو
اوعى ياقلبي تنسى


حلفتك تقول لي
ايه اخرة بكانا
الدنيا الجميلة
والحسن الحلال
الطير في غصونو
الساجعه وحنانا


كل الناس تغني ليه
ونحن الهم طوانا
ليه ياقلبي ليه
قول لي بامانه
اوعى ياقلبي تنسى
في لحظه الوصية
انا عارفاك حنين
بتشمت عليا
اوعى ياقلبي تنسى

***********************

الهـــوى البتنفســـو ..


انت الهوى البتنفسو
نغم الغنى البتحسسو
مابين مشاعري الاخلصو
انا قلبي ريدك اسسو


من ما بدينا المعرفة
النيه طيبه موالفه
جمعت قلوبنا على الوفا
طالت محنه وعاطفه
زي الهوى البتنفسو


الريده حلوة طول معاك
ممدودة بي سكة خطاي
مابين زهورك وبين ندي
انا عن عيونك ياملاك
اجمل هوى بتنفسو

انت الهوى البتنفسو
ونغم الغنى البتحسسو
مابين مشاعري الاخلصو
انا قلبي ريدك اسسو

لقيتكم عمري كلو ...


لقيتكم عمري كلو
ياحبايبي لو في يوم تطلو

سنين راجيه لقياكم
ومتمنية لقاكم
محال قلبي ينساكم
هناي موجود معاكم

متين تحنو عليا
تبادرو لي بالجيه
عدم شعوركم بيا
زود سهاد عينيا

الجفا منو اتالمت
وصابرة ما اتكلمت
اشوف حنانكم امتى
المنو انا اتحرمت

انا حظل اريدكم
مادام امري في ايدكم
راحه البال نسيبكم
ونسال الله يزيدكم

سنين راجيه لقياكم
ومتمنية لقاكم
متين قلبي ينساكم
هناي موجود معاكم